“YMA hi Zofa te tan kan innghahna pawl ropui tak a ni a. YMA ah hian Mizo tawh phawt chu kan leng vek tih hria in he pawl zahawm tak hi chawi nung zel turin kan rilru ngaihtuahna te i pe thar sauh sauh ang u.

Kum 15 liam ta a kan hruaitu ten an lo rel Zokhua atanga Aizawla lehkha zirte tan awmna tur Hostel sak bul ṭan theia kan awm ta hi a lawmawmin, YMA-in hma a sawn zia a ti lang chiang hle a ni. YMA hian remna leh muanna a awm theih nan nasa takin hma a la ṭhin a, Political Party hrang hrangte nen a vawikhatna atana Remna Ni YMA kaihhruaina hnuaia kan hmang thei kha chhinchhiah tlak tak a ni.

YMA hmalaknaahte hian harsat chang awm ve ṭhin bawk mahse, kan thawh chhan ram leh hnam damna a ni tihhriain, chhel takin hma i la ho zel ang u.”      

Lalhmachhuana, Vice-President, CYMA

YMA THIL TUM (Aims and objectives)

1. Hun awl hman that (Good use of leisure)
2. Zofate hmasawnna ngaihtuah (Development of the Mizo society)
3. Kristian nun dan tha ngaihsan (Revere Christian ethics)